رساله من ايميلي

تعرف فلوس بلدنا رايحة فين وجاية منين؟؟

لحد يومين تلاتة ما كنتش أعرف زيك لحد ما وقعت على الجدول ده

البيان	مشروع موازنة السنة المالية 2008\2009 بالمليون جنية
البيان	البيان	اجمالي
المصروفات:	الاجور وتعويضات العاملين	78600
	شراء السلع والخدمات	23500
	الفوائد	53000
	الدعم	133500
	مصروفات اخري	25700
	شراء الاصول غير المالية	26500
الاجمالي	(ثلاثمائة واربعين مليار) 340000

الايرادات:	الضرائب	166500
	المنح	4500
	الايرادات الاخري	104600
الاجمالي	(مائتين وثمانية وسيعون مليار) 278000
العجز	62 مليار جنية

المصدر (وزارة المالية – جمهورية مصر العربية)

http://www.mof.gov.eg/Arabic/عناوين+رئيسيه/fiscalstatementa08-09.htm

http://www.mof.gov.eg/Arabic/Mwazna2008-2009/fiscalstatement7-08.pdf

رساله من ايميلي Download?mid=1%5f4272056%5fADqniGIAAMqnS6fYUgSj8EqVMCc&pid=1.2

رساله من ايميلي Download?mid=1%5f4272056%5fADqniGIAAMqnS6fYUgSj8EqVMCc&pid=1.2

وواحد ابن حلال من بتوع مجلس الشعب شرحهولي وقالي ...

ميزانية
الدولة دي زي ميزانية البيت .. يعني لو انت مرتبك 1000 جنية و مصاريفك
1200 بيتقال ان ميزانية البيت 1200 وفيها عجز 200 جنيه....

وميزانية بلدنا زي بيوتنا مليانة عجز...

رساله من ايميلي Download?mid=1%5f4272056%5fADqniGIAAMqnS6fYUgSj8EqVMCc&pid=1.2

1.... الأجور والمرتبات ودي 80 مليار جنية.........

الرقم
الرهيب ده طبعا مش علشان الغلابة بتوع الحكومة يبقي متوسط دخلهم السنوي
14000 جنية وراتبهم الشهري يبقي 1100 جنية..... باعتبار ان عددهم حوالي
5.5 مليون موظف....لا طبعا....

ده علشان يبقي تفاوت المرتبات في بلدنا يضرب الرقم القياسي ويعدي 2000 ضعف بخلاف كل دول العالم اللي بيتراوح من 15 الي 20 ضعف....

يعني موظف زي رئيس جامعة عين شمس متوسط دخله في الشهر350 ألف جنيه وموظف تاني في نفس الجامعة يبقي مرتبه 350 جنية.....

(الحفاظ على قفاك مسئوليتك الشخصية)

2... البند الخاص بالسلع والخدمات ودا 23.5 مليار ....

وهو
خاص بشراء الي بتحتاجه الهيئات لأداء وظيفتها يعني طباشير للمدارس وشاش
للمستشفيات وعصيان وأسلاك كهرباء لأقسام الشرطة والأمن مركزي....

3.... الفوائد ودي 53 مليار جنية ........

ودي عبارة عن فوائد الدين العام اللي وصل لاكتر من 1000 مليار جنية.. الدين المحلي منه وصل لـ 675 مليار جنية...

[size=16]http://www.youm7.com/News.asp?NewsID=89746
[/size]

ده
معناه ان العصر المبارك الي احنا عايشينه من سنة 1981- اللي دينا كان فيها
11 مليار - الي الان.... دين بلدنا اتضاعف اكثر من 80 مره........

ودي الذكري الهباب اللي ناوي يسبهالنا الريس لحد ما بعد ما يروح في داهية بـ100 سنه ...

وساعتها هانكون لسه شادين الحزام وبنحاول نسد الدين بتاعه...

4.... الدعم وده 133.5 مليار جنية ........

وهنا
بقى الكدبة الكبيرة.. أنا كنت فاكر زيك ان المبلغ رايح لينا وللفقرا
ومعدومي الدخل، علشان ييقي نصيب كل واحد منا سنويا حوالي 1700 جنية – دا
باعتبار الشعب كله هياخد دعم - يعني لو اسرة ست افراد المفروض يدخل بيتها
850 شهري من الدعم.............. عارف طبعا دا مبيحصلش
لييييييييييييييييييييه

عشان
دعم المحروسة أو قول المنهوبة بيروح نصفة يعني حوالي 62 مليار جنية دعم
للمنتجات البترولية... هنقول خير علشان نركب مواصلات رخيصة وندفع كهربة
رخيصة...

بس قطاع السياحة بس بيستهلك 37% منه في المراكب الفاخرة على النيل وشواطئ الغردقة وشرم الشيخ...

وحد يقولي ليه ندعم البترول ونبيعة ببلاش لاسرائل؟؟

وليه شافيز يغير اتفاقيات بيع الغاز لاصدقائه و منغيرهاش احنا لاعدائنا؟؟

حد يقولي ليه بندعم الطاقة لشركات الأسمنت اللي 95% منها أجنبي؟؟

او ليه بندعم كل طن اسمنت بـ35 جنية ... وكل طن حديد بـ65 جنية وكل طن سماد بـ165 جنية؟؟

ولا ليه الحكومة تستمر فى دعم الأغنياء بواقع جنيهين لكل لتر بنزين 95؟؟

او حد يقولي ليه بندعم البنزين لسيارت الهيئة الدبلوماسية؟؟

هو ليه دم الأغنياء خفيف علي قلوبهم أما دماء الفقراء فثقيلة كثقل الفقر ؟؟

حد يقولي ليه بندعم 4 ملايين متر مربع في هضبة المقطم ونبيعها بسعر 90 جنيهًا للمتر لشركة أجنبية يضيع 28 مليار جنيه من مال بلدنا؟؟

حد يقولي ليه بندعم ارض مدينتي (8 الاف فدان) ونديها هدية لطلعت مصطفي مقابل 7% من مشروع مدينتي و الارض يضيع اكتر من 100 مليار جنيه من مال بلدنا؟؟

حد يقولي ليه بندعم الصادرات بـ 4.4 مليار والمستفيدين هم رجال الأعمال العاملون في مجال التصدير؟؟

ودعم
السلع التموينية فقد بلغ نحو 9.4 مليار جنيه، وبلغ دعم السلع الأخرى
وبالأساس رغيف الخبز نحو 4.4 مليار جنيه (راجع البنك المركزى المصرى،
النشرة الإحصائية الشهرية، أكتوبر 2007، صـ 107). أى أن دعم السلع
التموينية والخبز وهو نصيب الفقراء من الدعم لم تتجاوز قيمته نحو 13.8
مليار جنيه أى ما يعادل 1.9% من الناتج المحلى الإجمالى المصرى فى العام
المالى 2006/2007 بينما الولايات المتحدة بتدعم بنحو 61% من إجمالى
الإنفاق العام للحكومة المركزية بما يوازى 12.9% من الناتج المحلى
الإجمالى الأمريكى وفقا لبيانات البنك الدولى، وشكلت نحو 53% من الإنفاق
العام الفرنسى بما يوازى نحو 24.4% من الناتج المحلى الإجمالى الفرنسى،
ونحو 54% من الإنفاق العام البريطانى أى ما يوازى نحو 22.2% من الناتج
المحلى الإجمالى البريطانى، ونحو 34% من الإنفاق العام التونسى بما يمثل
نحو 10% من الناتج المحلى الإجمالى التونسى، وحوالى 24% من الإنفاق العام
المغربى أى ما يوازى نحو 7.5% من الناتج المحلى الإجمالى المغربى. أما فى
مصر ووفقا لبيانات البنك الدولى فإن الإنفاق العام على الدعم والتحويلات
شكل نحو 18% من إجمالى الإنفاق العام، أو ما يوازى نحو 4.1% من الناتج
المحلى الإجمالى (راجع فى ذلك: World bank, World Development Indicators 2007, p. 226-232.).

معقولة نصدق بلدنا لما تقولنا ان الدعم للفقراء و محدودي الدخل؟؟

معقولة نصدق بلدنا لما تقول أن دعم استثمار الأغنياء يفتح المجال للقضاء علي بطالة الفقراء؟؟

نيجي
بقى لشراء الأصول غير المالية بمبلغ 26500 مليار ودا مخصص لبناء
المستشفيات وإسكان الشباب والأبنية التعليمية والطرق والكباري والصيانة
وغيره

والمبلغ
طبعا تافه جدا لذلك لو سمعت عن بناء 6000 مدرسة ومليون وحدة سكنية و2000
مستشفى وغيره اعمل ودن من طين وودن من عجين لان دا نصب واحتيال رسمي عشان
منين يا حسرة

وهو ده الاستثمار الحقيقي اللي احنا نحس بيه.. نشوف شوارع نظيفة ومدارس متطورة وكباري وانفاق وحدائق غناء ... ولا احنا ولاد ... ؟؟؟

ادي المصاريف ياسيدي ... بلد منهوبة ... طب الفلوس دي جاية منين ..

بص بقي ياسيدي هتلاقي المفاجاة ..... ان بلدنا مسروقة رايح جاي....

الاغنياء و الحكومة ... منشار طالع واكل نازل واكل .. ومن قوت الفقرا......

تعالي للضرائب مثلا ....

الضرائب على الدخول من التوظف الحكومي 15% .........................................من جيوب الغلابة

ضرائب على السلع والخدمات 35%...................................................معظمها من جيوب الغلابة

ضرائب
النشاط التجاري والصناعي 5% ..... قانون الضرائب الجديد بيلعب هنا
...ماتضحكوش علينا وتقلولنا اتضاعفت ... مهما اتضاعفت..............

ضرائب على أرباح شركات الأموال باستثناء هيئة البترول وقناة السويس 12%

وضرائب على التجارة الدولية (الجمارك) 9% ........... من الاغنياء بس نترجعلهم تاني من دعم الصادرات...
وضرائب
اخري الباقي ودي داخل فيها هيئة البترول وقناة السويس... وهي السبب في
زيادة الحصيلة الإجمالية للضرائب والي يرجع إلى ارتفاع أسعار البترول
وزيادة دخل قناة السويس الأمر الذي لا فضل ولا جهد يذكر للحكومة فيه.....

نقلا عن جريدة الدستور بتاريخ 29/1/2008

هتلاقي
الضرائب التي يدفعها الموظفون والمواطنين البسطاء على دخولهم تكاد تبلغ
ضعف ما يتم تحصيله من ضرائب على النشاط التجاري والصناعي في مصر كلها،

هتلاقي
الضرائب التي يدفعها الموظفون والمواطنين البسطاء تمثل حوالي 50% من
الضرائب التي تدفعها جميع الشركات المساهمة والتي تضم شركات الأسمنت
والحديد والأسمدة وغيرها من الشركات الكبرى فى مصر كلها باستثناء هيئة
البترول وقناة السويس.

هتلاقي
حصيلة الضرائب حاجة تفرح ... بس تكون جاية من جيوب الاغنياء ... انما لما
تكون من جيوب الغلابة بتوع الحكومة ... يعني الحكومة بتديهم باليمين وتاخد
منهم بالشمال...

ودي الضرائب يا سيدي....

اما
المنح فدي لو بلدي انا مش عايز منح لان (الحداية ما بتحدفش كتاكيت) ... دي
فلوس من قِبل جهات اجنبية للضغط على الحكومة لتنفيذ أجندة معينة... منها
تعديلات قانون الطفل... إضافة إلى بيع بنك القاهرة ..وبيع الغاز للكيان
الصهيوني... والإسراع في برنامج الخصخصة....

لا ينام حكام بلدنا من التفكير في طحن المصريين

99.99% بيقولوا .....نعم....

علشان.... انجازاتك .....

مصر الأولى فى العالم فى استيراد القمح.

مصر الأولى فى الديون الخارجية بين الدول العربية.

مصر أولى العرب فى استيراد المواد الغذائية.

مصر رقم 47 فى الفقر على مستوى العالم لا يوجد بعدنا إلا 46 دولة من قرابة 186 دولة.

ميزانية الداخلية اكبر من الصحة والتعليم مجتمعين.

48% من المصريين تحت خط الفقر، من بينهم 7.5 مليون مصرى يعيشون بأقل من جنيه واحد يوميا.

· أعلى معدل فشل كلوى فى العالم 17 فى الألف - 12 مليون إصابة فشل كلوى فى العالم + إلتهاب الكبد الوبائى ( منظمة الصحة العالمية).

نصيب قرى مصر من الخدمات الصحية 50 مليون جنيه!! المستوى الصحى- ترتيب مصر 116 من 189 دولة، (منظمة الصحة العالمية)

نصيب الطالب فى التعليم العام 2 جنيه وأربعون قرش سنويا - 51% من المدارس غير صالحة للاستخدام وتصل النسبة فى محافظة الجيزة إلى 71%

الخاتمة

يارب اصلح لهذا البلد حاله, وهيئ له من ياخذ به ويعلي من شأنه.. يعطي لها لا ياخذ منها

__._,_.___

يعطيكي العافية

يسلمووووو

» رساله الى كل مسلم
» رساله من طفل فلسطيني
» رساله من حواء الى آدم
» رساله من بريدى
» لديك ( 1 ) رساله خاصة