ليش بنحب غزة آآآه يا غزة يا رمز العزة

ليش بنحب غـزة

لانه في غزة الواحد ما بيطلع من كوفي شوب عشان يروح على مطعم لانه بصريح العبارة الكوفي شوف فيه مطعم وفيه ملهى وفي كل اشي
لانه في غزة ما تحتاج لموعد مع صحابك لانه غزة كلها عبارة عن غرفة وكل واحد مرمي في قرنة
لانه في غزة اول واحد بيهنيك في رمضان أمك لما تصحيك على السحور وتقولك قوم اتسحر يا منكوب
لانه في غزة اول واحد بيهنيك في عيد الميلاد مديرك في شغلك لما يقولك بكرا اجازة
لانه في غزة كل الناس بتكره بعض بس بيتدخلوا في بعض
لانه في غزة ممكن تلفها كلها بشيكل ونص ( يفضح عرضها من بلد )
لانه في غزة ممكن تفطر فلافل وتتغدى فلافل وتتعشى فلافل
لانه في غزة بتعيش انكد شتا لما المية تكون الشوارع غرقانة وبتعيش احلى صيف لما يكون البحر فيه مجاري
لانه في غزة بتشوف الناس رايحة الصبح على شغلها وما بتروح الا بعد آخر الليل برضو من الشغل
لانه في غزة بتكزدر في الرمال وبتشرب براد من عند كاظم لا طعم ولا لون ولا رائحة ( مــااااااااااااااااااع )

أسباب أخرى....
لانه في غزة الكل ما بيسمع فيروز لانهم ما بيفهموا ايش بتحكي الولية هادي
لانه في غزة بس بتدفي قلبك بنص شيكل بتجيب احلى كاسة شاي من عند عبد اللي واقف في الساحة وماسك براد شاي وبينادي بأعلى صوت وبيقول .. شــــــــــــــــــــــــــــــــــاي
لانه في غزة راح تسمع الكلمات الاجنبية بلهجة جبالية زي كلمة جوباليا مطواكا وفكاعااات فيها كونبيلا
لانه في غزة بتلاقي الولية ماشية والجلباب لونه أخضر من الطحالب اللي طالعة عليه
لانه في غزة اسماء الأشارة فريدة من نوعها .. هاديني وهكوا
لانه في غزة كل الناس بتتقاتل مع بعض عند بنك فلسطين
لانه في غزة 4 من 5 صحاب بيكونوا اشي حمرجي واشي تبع مخدرات
لانه في غزة احلى المعجنات في التاريخ .. مش عارف ايش في عنا معجنات
لانه في غزة اي واحد بتتعرف عليه على الماسنجر بتستنضفش تقابله
لانه في غزة ما بتعرف من وين بتبدأ غزة ووين بتخلص وما راح تفرق كتير لانها كلها نفس الاشي
لانه في غزة في فايروس اسمه احم احم بلاش حد يكون ماشي من المنطقة ويسحبوني
لانه في غزة الكل بيدخن جمال فخر الصناعة الوطنية ولو رحت على الهند راح تلاقيه هناك بس ما بيدخنوه هناك .. لأ .. بيطعموه للبهايم اللي عندهم

ملطوش يا جماعة لانه في غزة اللطش عادة

تحياتي