في متحف العشاق تمثالي

و البهذله و السهر للاوفيا امثالي


لو ان قلبي صخر ما يعشق و يشقى ؛
إن كان حالي غدا ماهو مثل حالي –


من يوم عدى قطار الحلم ، أنا مُلقى
ما بين ليل الحنين و صبحه لحالي


الدمع وده يسيل ، يطيييح ثم يرقا !
خايف يكوون السبب في طيحة عقالي


و الجرح مُدمي ، وفيني حيل ما بقّى
وجروحك أنت يْتحملها ( رجل آلي ) - !


شوف المشاعر بـِ دم أفراحنا غرقا
بعدك انا الفارس المتحطم الجالي


والا بلا / (المستميت العاشق الانقى)
يمكنّي أقهر بِـ هذا الإسم عذالي !


كنت أتمنى يكون فراقنا أرقى -
غالي وفارق خفوقٍٍ فارقه غالي


ادري مثل هالعلاقه مستحيل القى
وادري لو ان ما عرفتك كان اشوالي


امووت عادي لاجل كرامتي تبقى
وانا علي الحرام اقوالي افعالي !


قولوا له ان جا يبيني عقب هالفرقا
يْزور في متحف العشاق تمثالي - !
-
-
-





اعجبتني واحببت ان تقراؤها