الصديق وقت الضيق 00 الصدبق واحه تهداء فيها الروح 00 الصديق مراة
الروح وغيرها من العبارات التي لا تفي الصديق الصادق او الصديقه حقها
ولكن هنا بعض الكلمات التي اتمنى ان تنال أعجابكم
(
مَدخل)
رفيقي اللي ما يغيّره التغيّر والزمان
يوم أن بعض الناس معرف شكلها من لونها
ثابت رفيقي
ما يهزه لا فلان و لافلان
دايم ورى الهقوة رفيقي ما يجي من دونها
معي بزين الوقت و إلا كان وقتي معي شان
يقدّر الرفقة و يمشي من على قانونها
أنا صديقك لا قسى الوقت وأكفيك
ولاني من اللي وقت المصالح يجونك
أعزك ياصاحبي بكل ما فيك
و من كثر ما أعزك صرت أعز اللي يعزّونك
أفتخر لاقالوا إني مخاويك
يا منبع الطيب قلبك والصّفا في عيونك
والله ما أنسى صاحب مانساني
لوطالت الغيبة و ضاعت نواحيه
يبقى معي ما بين قلبي وعينيl
والنفس من بد المخاليق تغليه
وأنشد عن أحواله بعاصف سنيني
و أرتاح لا زانت و طابت لياليه
أنا لا قلت لي شلونك
وأنا ضايق أقول بخير
مادامك سائلٍ عني
أكيد إن ضيقتي راحت
أنا من كثر ماأحبك
أشوفك في عيوني غير
تضيق النفس من غيرك
ولا من شفتك ارتاحت
: (
مخرج )
هذا رفيقي وافتخر به من زمان اليا زمان
عهدٍ علي رفقته مهما حصل ما اخونها
وانا حزامه في خفايا الوقت ولا في البيان
حيه وحي الضحكة اللي من بياض سنونها
تحياني لكم
