التسريحة الاولى..
تاج العقد..
أضغطي على الصورة لتكبيرها ..
الشكل النهائي
البداية
أبدئي في المنتصف..
راح تطلع التسريحات اجمل لما تبدأي من المنتصف..
هذا رسم مبدئي عن تقسيمات الشعر، راح نبدأ نسوي العقد على اليمين واليسار
والمنطقة الوردية هي نقطة القاء..
قسمي الجزء الامامي، واتركي الجزء هذا راح نترك الجزء هذا نازل وما راح نرفعه كثير
اربطي عليه مطاط بخفة، ولا تشدي عليه
الان قسمي الشعر المربوط بيدك، الى قسمي، وادخلي الشعر من خلاله عشان نكون العقدة....
يعني راح تدخلي الشغر من خلال التقسيم الي عمليته
بعد ما عملنا العقدة الاولى، راح نكمل ونعمل الي بعدها
....
وتكوني اضفتي الشعر الي في العقدة الاولى عليها، عشان تتجمع مع بعض
وبعدين نفس الطريقة تعملي العقدة، تقسمي الشعر، وتمرريه من خلاله
وهذه شكل اول عقدتين مع بعض، شديهم على بعض كويس عشان يبان الشكل
كملي بنفس الطريقة، واعملي الثالثة..
وهذه الرابعة الي راح نضمها للجهة الثانية
الان نتقل للجهة الثانية
زي ما اتفقنا، نربط جزء من الشعر ، بس لازم تكون منخفضة وخفيفة
لان لما تلفي الشعر راح تشدي عليه وراح يرتفع
الان بعد ما عملنا 4 عقد في الجهزتين
راح نجمعهم مع بعض، خذي الشعر الي في اليمين والي في اليسار
واجمعيهم في ذيل حصان
ونفس فكرة العقد الي قبلها
اقسميها وادخلي الشعر من خلال التقسيم
وكوني اخر عقدة...
والنتيجة مثل ما أنتوا شايفين ولا أحلى !!!!!!!
شبكة الشعر..
الشكل النهائي
الشكل الجانبي
البداية
ابدئي بالشعر وهو مبل لان تقسيمه راح يكون اسهل، ومشطيه للخلف
والان على حسب سمك الشعر
اذا كانت بنتك شعرها خفيف زي البنت الي في الصورة
ابدئي بالتقسيم على شكل مستطيل
اما اذا - ما شاء الله - شعرها كثيف، اعمليها مربعات
كملي التقسيمات الى ان تخلصي كل الشعر الي في الامام، في الصورة طلع معاها 6 اقسام ممكن تنتهي التسريحة هنا، وممكن نكمل للي بعده
هذا المنظر من فوق
الان راح نبدا نقسم كل ذل حصان الى النص
ونجمع كل اثنين متجاورين زي الصور
النتيجة من بعد ما جمعنا الاجزاء المقسمة
عشان نعمل الخطوه الي بعدها، لازم نبعد الجزء الي عملناه عن الطريق
بس وديه على قدام وابعديه عن مكان العمل <<< ههههه
والان بناء على التقسيم الاولى، راح نقسم الشعر مرة ثانية
بنفس حجم المربعات - المستطيلات الي في الصف الاول
الان الخطوة هذه يمكن شوي يبغالها صبر
راح تمسكي الجزء الي قسمتيه جديد
وتقسمي الاجزاء السابقة الى النصفين
يعني كل ذيل حصان نتج من الخطوات السابقة ، راح نرجع نقسمه الى اثنين
ونمسك الجزئين المتجاورين ونجمعهم مع الجزء الاخير الجديد
زي الصورة هذه
بعد ما تقسمي الاجزاء الي مربوطة، امسكي جزئين متجاورين
واجمعيهم مع الجزء الجديد
بدينا من المنتصف، لانه راح يسهل عليك تنزلي من جهة اليمين واليسار
وفي النهاية راح تطلع لنا التسريحة بهذا الشكل الجميل..
الشكل الولبي!
الشكل النهائي
البداية
راح نبدأ بالشعر وهو مبل، بس مو كثير، يعني قولي الشعر شوي رطب
الان راح نقسم الشعر في نص الراس، ونحصل على مربع
وهذا الجزء راح نرجع نقسمه الى جزئين
نمسك اليمين ونلفه ( عكس عقارب الساعة)
واليسار ( مع عقارب الساعة)
هذه الخطوة يمكن تدوخك شوية ، بس النتيجة تستحق!!
شديها وتأكدي انها مشدودة كويس
نربطهم على بعض، ونحصل على النتيجة هذه
وهذه لحالها تسريحة حلوة ومرة كيوت
اضيفي عليها أكسسوارت ويا سلام مرة حلوة
بس اذا تبغي شكله يطلع احلى من كدا
في خطوة كمان ممكن نعملها
لفي الشعر بقطعة قماش!!!
اول شي بلي الشعر جدا جدا
وجزئيه ، وكل جزء لفيه على فوق واربطيه بقطعة القماش
هذه راح تكون لطيفة على فروة رأسها وما راح تزعجها
ممكن حتى تنام فيها من اليوم الي قبله
وبالتالي نحصل على هالنتيجة الجميله يا سلام عليها..
الخطوة الرابعة ::
كيف تعملي الخطوة الاخيرة من التسريحة السابقة؟
تعالي اقول لك ...
اول شي لازم تحصلي على قطع القماش، جيبي اي قماش ما تستخدميه او قديم، وقصيه على شرايط، طول الوحدة 15 سم عشان تكفي..
وبعدها نقدر نبدا
خلي شعرها مبلول ويفضل أنها تكون توها متسبحه
نبدأ بتقسيم الشعر، وخلي القماش في يدك عند اصباع السبابة
وابداي بلف الشعر الى ان تصلي الى فروة الرأس
الان كل الي عليك فعله، هو انك تربطي قطعة القماس في عقدة حول الشعر
عشان يثبته مكانه
ونحصل على النتيجة هذه
وناخذ قسم جديد ونكرر نفس الفكرة
وبنفس الطريقة
الان عشان نتأكد انو الشعر ما يكون مقسم بشكل غريب لما نفك قطع القماش
تأكدي انك تقسمي الشعر ، زي جدار الطوب، كل مربع تحت مربعين
والان حصلنا على النتيجة هذه
المشكلة هي انها تحتاج وقت طويل عشان تضبط وتلفلف الشعر
فممكن ان البنوتة تنام بيها وتقوم تفكها
الحلو انه ما راح يعور لها راسها، لان كله قماش في قماش
اذا كنتي مستعجلة، ممكن تستشوري شعرها
بس لا تفكي القماش الا بعد ما يبرد الشعر
وهذه النتيجه ::
