مجرد .. تخاريف .. إنسان عاشق .. !
تدرين وش يصير الى من سكنتي في قلبي ..
وشوشة .. وتخاريف ..
بيان.. تعالي إسمعي ولبي ..
من الديوان.. رسالة ختم ومضاريف ..
إعلان من لسان..
تمكن الآن ..
فيروس غامض مخيف ..
تمرد .. و قاد عصيان ..وكسر مجاديف ..
استوطن مساكن ..
اغتصب أرض ..
واستعمر انسان ..
معارك وقوات وقصفٍ عنيف ..
مشاة بر .. وبحر .. وضرب طيران ..
واعلن المتحدث الرسمي يضيف ..
الزمان ..
يوم ستة حزيران فصل الخريف . ..
قائد الأركان ..
. قوات العدو تسيطر على ممر التجاويف ..
وتغتال ريس.. وتعتقل جندي .. وتأسر عريف ..
قتيل .. وشهيد .. وجريح ينزف نزيف ..
وفي ساحة الميدان .. للمعركة توصيف ..
القلب يدق طبله سلام .. وحنين ..
والحزن ماضمد جراح المساجين ..
والعقل .. مقياس رختر .. تصانيف ..
يرسل الشارة يمين ..
الم وحسرة وتحاسيف ..
شخبط البطين الايمن .. و لخبط شرايين ..
والوريد البريد .. ماعاد يوصل أذين ..
والعين ظلمة سنين ..
حزن واسى وأنين ..
قلبٍ يشيل الهم ..
وصدر بستان .. عقارب .. ثعابين ..
دمار وحطام ..لهب ونيران وغم ..
وكبد حايم .. ضنين ..
يدفق .. يسيل الدم..
واليد تعرج تمشي ظلام ..
وتعشق دروب اليم ..
والرجل تكتب .. اماكن .. ألم وعذاب وهم ..
قصص ..
حكايات عشق وغرام ..
دفتري صدري .. كراس دم ومحبرة ..
قصدي .. محبرة دم ..
وضلوع أقلام ..
وكلماتي .. بعثرة في بعثرة ..
ومحد ماسكني ماسك المجلس.. سلام ..
خد وراس وضم ..
أشوف شيوخ ونسوان .. وأطفال كما الأصنام ..
جثث ورفات .. وهياكل عظام ..
وبقايا متحللة ..
أتنحنح .. احم احم .. أكح .. وأسلم ..
أضيفهم أقهويهم وأعزم ..
والمسألة ..
إني أسولف عليهم .. أدور لي مخرج ..
من آخر المجلس .. وأرجع حتى أوله ..
صرت محرج ..
وش اسولف وش اقول ..معقول .. محد يدري ..
أحد سمع بمشكلة ..
في عشقة .. قيس وليلى ..
من كان مغرم ..
ومن فيهم بهذلة ..
جميل وبثينة ..
من مات من الوله ..
ومن ماتت متعللة ..
وأبربر بربرة ..
ومعلقة طرفة والذبياني وعنترة ..
واجيب القصيد .. حروف أبيات مكسرة ..
وتخيلوا .. لساااان معووج ..
اسولف بأثنان مكثرة ..
وأقول للسين ثين .. وأثرثر .. ثرثرة ..
أتمالك نفسي .. وعقلي .. واقول ليه الثرثرة ..
ليه محدٍ يقاطعني .. ليه الصمت ..
اطالع ثيابي ..
قميص .. أبيض .. وش غبره ؟
والحوك .. باقي أذكره ..
اخضر والحين .. أصفر ..
الله .. ما أصفره ..
ألقاني ضايع بوسط المقبرة ..
لامن سكنتي فقلبي ..
السر يحلالي .. أجمعه ما أسولف به .. ثمٍ أنثره ..
لخبطة إنسان .. من شكله ومن مظهره ..
ألحس خشمي بلساني ..
مهبول واضح من منظره ..
ومن قهر الضماير ..
للموت صحراء تنبت مشاعر ..
ارسم عيون ودمع ومحاجر ..
تدرين وش يصير الى من سكنتي في قلبي ..
اموت واموت واموت
واسكن .. مقابر ..
مقابر .. أماكن ..
واعشق أماكن ..
أماكن .. مساكــن ..
مساكن ..مدافـــــن .. ؟
**