nino
عدد المساهمات : 855
تاريخ التسجيل : 08/06/2010
العمر : 33
الموقع : اينما وجد الحنين
 | موضوع: عطاك عمرو ...........................!!!!!!!!!  الإثنين سبتمبر 27, 2010 9:48 pm | |
| السلام عليكم
اسمعوا لهي القصة
في اتنين رفقة التقو
الأول : كيفك يا زلمة وكيفو ابوك انشالله تحسن.. سنين ما شفتك .
التاني : انا ماشي حالي الحمد لله بس الوالد عطاك عمرو .
الأول :العمر إلك بعرف كان عندو القلب ... يالله الله يرحمو .
التاني : بس والله ما مات من القلب .
الأول : كيف توفى . ؟؟
التاني : الله يرحمو بآخر فترة ضعف نظرو كتير .. مرة طلع عالبلكون ما شاف الحفة وقع وبتعرف بيتنا تالت طابق .
الأول : له له على هالموتة ، بكل الأحوال الله يرحمو .
التاني : والله تعذبنا فيه كتير وعملنالو شي 12 عملية لتحسن .
الأول :لكان كيف توفى . ؟؟؟
التاني : صار يحمل عكازة ومرة عم يقطع الطريق سيارة مسرعة خبطتو .
الأول : يه يه الله يرحمو .
التاني : ربك رحيم كان فيه جار إلنا حطو بالسيارة ولحقو عالمستشفى بس النزيف الداخلي كان رهيب .
الأول : الله يرحمو بكل الأحوال .
التاني : بس سفرناه على اسبانيا وضلينا شي 6 أشهر عم نعالج فيه والحمد لله تحسن .
الأول : طيب كيف مات . ؟؟؟
التاني : صار معو كسل كلوي حاد وصرنا ندور على متبرع كلية وتأخرنا وصار معو تسمم .
الأول : الله يرحمو ارتاح .
التانمي : بالصدفة إجا شخص بيعرفو من زمان تبرعلو بالكلوة بآآآآآآآآخر نفس .
الأول : لكان كيف مات . ؟؟؟
التاني :والله مرة بالبيت وهو قاعد ما انتبه عالغاز احترقت الشقة وهو لحالو فيها .
الأول : يالطيف على هالموتة ما أبشعها الله يرحمو .
التاني : والله جارنا الله يجزي الخير كسر باب البيت ولحقو بس رح يقطع النفس كان والله .
الأول : لك فهمنا كيف مات . ؟؟؟؟؟؟؟؟؟؟
التاني : والله اضطرينا نقوصوا قواص . | |
|
يزن
عدد المساهمات : 32373
تاريخ التسجيل : 23/09/2009
العمر : 36
| | موضوع: رد: عطاك عمرو ...........................!!!!!!!!! الإثنين سبتمبر 27, 2010 9:56 pm | |
| | |
|
الاماكن
عدد المساهمات : 8676
تاريخ التسجيل : 06/04/2010
| | موضوع: رد: عطاك عمرو ...........................!!!!!!!!! الثلاثاء سبتمبر 28, 2010 12:47 am | |
| | |
|
