بسم الله الرحمن الرحيم
انا النهاردة حبيت اكتب كلمات الرباعيات الرمضانيه المنيريه الروعه
ويارب تنول رضاكم
ـــــــــــــــــــــــــــــــــــــــــــــــ
1_((الليل طويل ))
الليل طويل وانا ابتديت
والنور جميل شوفته بكيت
ربك غفور فى قلبى نور
وانا روحى شمعه فى كل بيت
ـــــــــــــــــــــــــــــــــــــــــــــــــ
2_((انا بدعى))
انا بدعى فى ليله القدر
وبحلم بالرضا والستر
اله الكون يصبرنى
وانا ماسك فى ايدى الجمر..........يا يا ياالله
ـــــــــــــــــــــــــــــــــــــــــــــــ
3_((انا وشى ليه ))
انا وشى ليه شاحب
والهى لي حاسب
فى ذنوب انا غرقان
من الكعب للحاجب........يا يا يا الله
ـــــــــــــــــــــــــــــــــــــــــــــــ
4_((بجرى على مهلى))
بجرى على مهلى
وشيطان بيندهلى
وانا بستغيث يا غفور
تسامحنى على جهلى
ــــــــــــــــــــــــــــــــــــــــــــــــ
5_((بكيت فى غروبى))
بكيت فى غروبى
ياشمس البصيره
وبفرد ذنوبى
وانام على الحصيره
بفضله وكرمه انا زورت حرمه
وبشبع بنوره بعينى الضريره
ــــــــــــــــــــــــــــــــــــــــــــ
6_((توبت ياربى))
توبت ياربى وقلبى جريح
نقطه مطره تخاف من الريح
واى سراب يبانلى سحاب
ونفسى اكون فى الحق صريح
ــــــــــــــــــــــــــــــــــــــــــــــ
7_((جانى الريح))
جانى الريح بيقول للراوى
والمصابيح من برج سماوى
زرعت الحب بزور وتقاوى
وكنت جريح والرب يداوى
ــــــــــــــــــــــــــــــــــــــــــــــ
8_((حلو ومر))
حلو ومر الصبر يمر
والحكمه من طبع الحر
سر القلب يبان فى الحب
حب الله فى ايديه الامر
ــــــــــــــــــــــــــــــــــــــــــــــ
9_((دوام الحال))
دوام الحال يا دنيا محال
لاعز يدوم ولاأرث مال
ولما بعوز يارب كنوز
تشبعنى بلقمه حلال.......يا يا يا الله
ـــــــــــــــــــــــــــــــــــــــــــــ
10_((ذره سكر))
ذرة سكر فى الفنجان
قالت الرحمه من الرحمن
لما بدوب من الحب فى نوره
روحى تشبع اى جعان..........يا يا يا الله
ـــــــــــــــــــــــــــــــــــــــــــــ
11_((ذو الجلالة ))
ذو الجلال والكمال زيدنى من نعمتك
القمر بدر وهلال والتمام بقدرتك
مهما ههرب من الزنوب العيون فى القلوب
ببكى ليك لما اكون
واتعشم فى رحمتك
يا الله
ـــــــــــــــــــــــــــــــــــــــــــ
12_((رب الارباب))
رب الارباب وحنين تواب
العيشه عذاب فى زمن كداب
صبرنى يارب على اللى انا فيه
وافتحلى بنورك مليون باب
ــــــــــــــــــــــــــــــــــــــــــــ
13_((رب احمينى))
رب احمينى فى الزمن القاسى
لما اخاف من اهلى وناسى
من مخلوق يقدر يحاسبنى
وقصاد ابنى اطاطى له راسى.....يا يا يا الله
ــــــــــــــــــــــــــــــــــــــــــــ
14_((سامحنى ياربى))
سامحنى ياربى انا كنت طاغى
بأيدى بداوى العيب بالعيب
لحاد ما جانى مريض وشفانى
ونفسى اموت وانا طاهر الايد
ـــــــــــــــــــــــــــــــــــــــــــــ
15_((سبحان الله))
سبحان الله من غيره اناديه
للروح الطاهره الف دليل
فى شروق وغروب بترش النور
وتشوف الشمس فى نص الليل
سبحان الله
ــــــــــــــــــــــــــــــــــــــــــــ
16_((سبحان الله 2 ))
سبحان الله النور وهاج
وجميل الصورة من غير تاج
ورسول الله بيطير فى سماه
بيقابل ربه فى المعراج............الله الله
ـــــــــــــــــــــــــــــــــــــــــــــ
17_((طيبون طيبات))
طيبون طيبات
والربيع من النبات
بدعى من قلبى واقول
يارب سترك على البنات
ــــــــــــــــــــــــــــــــــــــــــــ
18_((عطر طيب ))
عطر طيب من النسيم
من الصراط المستقيم
يا رحيم يا كريم
خدنى من دار اللئيم
ــــــــــــــــــــــــــــــــــــــــــــــ
19_(( عيبو مستور ))
عيبه مستور
يخاف من النور
وليل ونهار ينام فى بحور
لكن ربه شايف قلبه
وقادر يكشف المستور
ــــــــــــــــــــــــــــــــــــــــــــــــ
20_((قلت اعوذ ربى ))
قلت اعوذ يارب الناس
من الوسواس من شر الناس
من جهلى ومن قلت حيلتى
لما اشك فى كل الناس..........يا الله
ــــــــــــــــــــــــــــــــــــــــــــــــــ ـ
21_((قلت ياريت))
قلت ياريت وعملت العيب
واستنيت يداوينى طبيب
مهما ندمت انا هعمل ايه
ربى عليم بحجاب الغير
ــــــــــــــــــــــــــــــــــــــــــــــــــ ـــ
22_((لا اله الا الله))
لا اله الا اللـــــــــه
وارضى بقضاء الله
واصبر على بلواه
وملكش الا رضاه
ــــــــــــــــــــــــــــــــــــــــــــــــــ ــ
23_((ليه بكيت))
ليه بكيت فى المنام
لما صليت فى المقام
كنت بتوضى بدموعى
والملاك هو الأمام
ــــــــــــــــــــــــــــــــــــــــــــــــــ ــ
24_((نورهم بين ))
نورهم بين اياديهم
وضميرهم بينجيهم
بدعى تنولنى ياربى
وامشى على الشوك وسطيهم
ــــــــــــــــــــــــــــــــــــــــــــــــــ ــ
25_((نورهم طاهر))
نورهم طاهر بين اياديهم
ربنا عالم وبيديهم
اتوضيت من نهر دموعهم
ونفسى اصلى وانا وسطيهم
ــــــــــــــــــــــــــــــــــــــــــــــــــ ـــ
26_((يا الله))
يا الله الله
بخاف من الناس ومن خوفهم
وقلبى مرايه بتشوفهم
واهل الروح فى نور الله
ولو غمضت بعرفهم
ولو غمضت بعرفهم
ــــــــــــــــــــــــــــــــــــــــــــــــــ ــ
27_((يارب انا ذنبى ))
يارب انا ذنبى زلزلنى
وطلعنى ونزلنى
ولو تسامحنى ياربى
مفيش مخلوق يزعلنى
ــــــــــــــــــــــــــــــــــــــــــــــــــ ـــ
28_((ياربى حزين))
ياربى حزين انا بينهم
وانا منهم ومش منهم
فى كل صلاه بقول الله
اوامرك مش اوامرهم..........يا الله ياااااااااااا الله
ــــــــــــــــــــــــــــــــــــــــــــــــــ ــ
29_((يا طير الروح))
ياطير الروح واخدنى لفين
انا مجروح وهشكى لمين
تداوى جروحى فى زمزم
وبنسى همومى فى الحرمين
