قررت انا ابعد عن حياتك واخليك
قررت انا انسى عشرتن كلها جراح
دامك تبيع الحب ابنسى لياليك
خل ينفعك هجرك وفي بعدك ارتاح
وش جاني من حبك كثيره هي بلاويك
والله قصيره هي عشرتك مابها افراح
كم حذروني عن غرامك وماضيك
ماضي سواده بالغدر مابعد راح
لكن بسيطه والليـالي تصحيــك
وتـشوف ماشـفته بـقربك وتنزاح
ذيك الدروب الي مشتها خطاويك
دربك هلاك وعشرتك كلها اشباح
لا ابوك دامك ناسين حق غاليك
ونور الغدر في داخلك نور وضاح
العام تبكي من حياتك واثاريك
غدار غادر والغدر بالسما لاح
فارق توكل لاتجيني ولا اجيك
ماهمني هجرك وصدك والجراح
