♦♠♣ ][..يوميـآأآت الاماكن فــ رمـضــآأآن ـــــي ...][ ♣♠♦

* لأي جزء وصل في ختم القرآن؟؟ وصلت الجزء الخامس بس انا بدأت من الجزء الاخير يعني عكسي رجعت ارجوع

* سحوره؟1 صدقوني انا ما بتسحر من وانا صغيره ما بتسحر بس قبل لانام يعني على 12 بكون مخبيه على جنب شوية سلطة خضار من الفطور او سلطة فواكه هيك شي اما وقت السحور نعم بصحى الساعه 3 بشرب مايه وبقرأ قران حتى موعد الاذان بصلي وبنام حتى الساعه 10 على فكره زوجي متلي ما بتسحر بس عشاء قبل النوم وخلاص وقبل اذان الصبح بشرب مايه كمان اتعود متلي
* الأعمال التي يقوم بها في رمضان؟ بقرأ قران بس وقت متقطع نظرا لعندي مسؤوليه بيت واسره واولاد بدهم اهتمام ووقت مني
* أكثر مسلسل عجبه؟! اكتر شي عجبني باب الحاره بس في مسلسلين بعتبرهم كوميديا زهره وازواجها الخمسه وكمان مسلسل عاوز اتجوز
* كيف جدولك في رمضان .؟كالعاده بصحى على العشره بنظف البيت بشوف طلبات الاولاد بتصير الظهر بصلي الظهر وبنام شويه اذا ما نمت بقعد على النت شويه بكفيني ساعه ونصف بعدين بقرأ قران حتى العصر بصلي بقرا كمان نصف ساعه قرأن وبعدين بروح على المطبخ اشوفه عاوز ايه مني اليوم حتى المغرب

* شو اسم المسجد الي تصلي فيه ؟ بصراحه ما بروح على المسجد لسببين اولا عندي اولاد صغار وما بقدر اتركهم بالبيت لوحديم ولو اخذتهم معاي يمكن يعملولي لبكه وثانينا الشيخ عندنا خطب واعلن بالمسجد ان صلاة النساء في البيوت حتى قراءة القران اللي كانو يقرأوها قبل الاذان بخمس دقائق بطلوها الشيوخ على قولهم ازعاج
* ساعة كم سحوركم ؟ الساعه 3 بشرب ميه
* وش أحلى شيء في رمضان برأيك ؟ رمضان كله حلو واحلى شيء الكل بتجمع على الفطور والاجواء الخارجيه حلوه الحاره واولاد الحاره بلعبو متل المفرقعات والصراخ بكونو عاملين حركه في الحاره نعم هم مزعجين بس حلوه منهم بتفرج عليهم شويه من البلكون
* وش الي يميز رمضان عن باقي الشهور ؟ التقرب الى الله تعالى وقيام الليل والصلاه وطلب المغفره والرزق من الله تعلى بتحس ان باب السماء مفتوحه بس اطلب وتمنى اما على الارض بتحس الكل بسأل عنك وبدو يزورك هههه
* تعتقد كيف رح يكون احساسك بعد رمضان ؟ عادي نعتبر ان رمضان ضيف اجا عندنا زياره شهر وقمنا بواجبه وودعناه ونتمناه يرجع السنه الجاي
* هل ناوي تغير صفة او اي شيء فيك مو عاجبك ؟اكيد ان شاء الله
* إفطاره <<؟؟!! اليوم حضرت أوزي كمان شوربة فريكه وسلطات ولبن الواحد منا ببلش بالشوربه والسلطه وبترك الاكل متل ما هو

واية سؤال انا مستعده للاجابه عليه

كيف اجواء رمضان في فلسطين وبالمنطقه الي ساكنه فيها تحديداااااااااا

شو الاكلة الي بتحبي تطبخيها برمضان

رمضان كريم

ما هو أكثر شي بتعمليه برمضااااااااااااااان

شو امنياتك بهذا الشهر الفضيل

كان سؤال ميمو

يا تــرى بتخرجو بعد صلاه التراويح
تتنزهــو وتتسحـــرو وترجعو البيت بعد صلاه الفجر؟

صراحه ما بنخرج للتنزه لان السوق بعد الساعه 11 بسكرو ولا في مكان نتسحر فيه بس اذا بدنا نخرج بنروح عند الاقارب



-----------------------
اما سؤال يون عن كيف اجواء رمضان في فلسطين وبالمنطقه الي ساكنه فيها تحديداااااااااا
الاجواء حلوه كتير خاصة بعد الافطار مباشره عادتا السوق عندنا بغلق على الساعه 5 المغرب بس برمضان بظلوا فاتحين للساعه 11 ليلا وبكون السوق يعج بالناس شي حلو اكتير اما تحديدا بمنطقتنا الكل بعلق الاضواء الفلاش على الشبابيك منظرها حلوا كتير اما الحاره فجأة ما بتلاقي الا والحاره مليانه اولاد بتجمعو مع بعض وبلعبو بالكشافات والفرود الطقيع ولاحظت عليهم حركه بعملوها هي خطره شوي بس حلوه انه بولعو الخريص تاع الجلي وبحركوها بشكل دائري فبتولع وبتعطي شرار بتساقط بشكل رهيب وبصيرو يصرخوا الاولاد وببعدو من شان ما تيجي فيهم ولما تصير موعد مسلسل باب الحاره بختفوا الاولاد من الحاره شي رهيب الكل معجب بباب الحاره

---------------------------

ساتني روحي عربي عن
شو الاكلة الي بتحبي تطبخيها برمضان

بحب المحاشي سواء دجاج او كوسا ودوالي


---------------------------

اما سلوى سالتني
ما هو أكثر شي بتعمليه برمضااااااااااااااان
بقرأ قران بعدين الواحد بكون مفلس ما فيه حيل يعمل اشي بصير يأشر بيده او يهز راسه خصوصا بهالشوب هذا النوم احسن شي

------------------------

سألني يزوون
شو امنياتك بهذا الشهر الفضيل
ان يعم الامن والسلام بين الناس وامنياتي الخاصه الله يقدرني واربي اولادي ويتم علينا بالصحه والعافيه ويحقق كل امنياتي ان شاء الله

شو افطرتي اليوم

كان الاكل خفيف اليوم بعيد عن الرز
كتفه ومقبلات وسلطات

بنتك بتصووووم ولا ما بتصوم

بنتك بتصووووم ولا ما بتصوم

لسى صغيره ما بشد عليها بس السنه الجايه انشاء الله بعودها على الصيام