السلام عليكم ورحمه الله وبركاته
جايبة لكم اليوم قصه جميله وفيها
من العظه والعبره .
الشخصيات : ابو نيه ( يعني نيته صافيه )
ابو نيتين ( يعني نيته مره صافيه ومره خبيثه )
ما نبغى نطول عليكم القصه في ايام الجاهليه نبدأ القصه .
:::: في يوم من الايام كان ابو نيه معه ذلول ( بعير ) ماشي
في طريقه قابله ابو نيتين وطلب منه ماْْْء ليشرب فقال ابونيه
ما معي ماء لكن في بئر قريب بنأخذ منها الماء .
مشى ابو نيه وابو نيتين حتى وصلا الى البئر( وتخبرون البئر في
قديم الزمان ما فيها دينمو علشان ياخذوا الماء ) المهم قال
ابو نيه انزل يا ابو نيتين في البئر وباعطيك الحبل واذا خلصت
رفعتك رفض ابو نيتين واحتج انه تعبان فوافق ابو نيه على عذره
ونزل ابو نيه ولما ملئ القربه ( وعاء لاحتفاظ الماء ) المهم
ربط القربه في الحبل وعطاها ابو نيتين فكر ابو نيتين انه يأخذ
الذلول اللي حق ابو نيه فحذف الحبل على ابو نيه في البئر وراح
وجلس ابو نيه في البئر فلما حل الظلام جاء فوق البئر جن على هيئه غربان .
فقال الغراب الاول : اعلمك بسر باني لقيت كنز في كذا وكذا .
فقال الغراب الثاني: اعلمك بسر باني لقيت علاج رجل كبير في السن مريض ولدي علاجه مقابل ما يملك من الابل والغنم وهو كذا وكذا .
فقال الغراب الاول : انا لدي حل لغز لفتاه جميله مقابل زواجها وهو كذا وكذا .
فقال الاغراب الثاني : نلتقي السنه القادمه في نفس الوقت واليوم .
وكان ابونيه يسمع كلامهما.
فلما حل الصباح اتى الرواده لكي ياخذؤ الماء فوجدو ابو نيه واظهروه فقام ابو نيه يذهب لكي يجني ما سمعه .
فذهب للرجل الكبير في السن واعطاه دواه فتحسنت حاله وجنى كل الابل
والغنم .
وذهب الى الكنز فأخذه جميعا .
وذهب الى الفتاه وحل اللغز وتزوجها .
وفي اليوم نفسه من السنه الجديده في الصباح اتى ابو نيتين وحالته
حاله فلما راى ابو نيه انجن وساله من وين جبت هذه الثروه فعلمه
القصه من اولها الى اخرها وقال له روح اليوم في البئر الذي خليتني فيه فذهب ونام في البئر ولحظه
اتى الغرابين وقعدو يعاتبون بعض على الاسرار اللي علموا بعض فيها وكل واحد يقول اني ما علمت احد فيها .
فقالوا امكن احد كان يسمعنا قالوا اجل في البئر كان احد يسمعنا
انزلو وشافوا ابو نيتين فقطعوا رقبته من جسمه واختلط دمه فاصبح
فاسد واصبح ذالك البئر اسمه بئر ابو نيتين لنذالته وعدم صفاء نيتيه
واصبح عبره لجميع الناس .
وفي النهايه اشكركم على سماع القصه كامله واتمنى للجميع التوفيق
