قالك مرة واحد ديما تسقسيه صاحبتو: واش تغديت? يقولها: لوبيا .ديما هكا واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت
02-قالكم مرة كاين واحد الشايب مريض قريب يموت وهو على الفراش عيط لاولادو باه ينصحهم وقالهم كل واحد يجيب معاه عصا صغيرة
ايا دارو عليه ولادوا وجابوا معاهم العصي عطا الشايب لواحد من ولادو 2 عصيات وقالوا كسرهم ايا ولدوا حكم كسرهم زاد عطالو 3 زاد كسرهم وبقى يزيدلوا حتى
وصل ل 9 عصيات قالوا هاك كسرهم قالك حكمهم الطفل هذاك زاد كسرهم !!!شاف فيهم باباهم وقالهم: روحوا يا ولادي مدام معاكم الجحش هذا ما نخافش عليكم
******************
-03-قالك مرة وحد الراجل متزوج زوج نسا وحدة من ولاية ......ووحدة من ولاية...... وهوما ماشيين طريق طاحتلو السيارة اونبان. نزلت الاولى وقالتلو شوف بالاك لابوجي بالاك
الموتور بلاك...بالاك..بالاك...قالت الثانية كيفاه هذي تفهم خيرمني زعما تفهم في كلش راحت للراجل وقالتو ..يا راجل شوف شوف بالاك نسيت البرمي علابيها
طاحة اومبان.
خطرة واحد مشحاح اي بخيل جاءه ابنه عندو و قال له : بابا البارح حلمت بلي اعطيتني 5 دج
ايا قالوا الاب: رودهالي كنت امزح معاك
=النملة والفيل
خطرة الفيل كان داير حفلة دعا كل الحيونات والنملة ايضا
كل المدعوين دخلو لعندو غير النملة كي سقساها اي عندما سالها لماذا لم تدخلي
قاتلو : كنت ندق بصح حتى واحد ما فتحلي الباب
قالها الفيل: كنت تدخلي من تحت الباب
قاتلو : حبيتني نخسر لا كوب نتاعي ؟
( لا كوب اللي دارتها عند الحلاقة ) اي مشطة الشعر
خطرة مشحاح يسكن في الطابق السادس طاحتلو 10 د هبط اي نزل يجري باش يجيبها ما لقاهاش ...علاه؟
لانه وصل قبلها
=مشحاح=
خطرة جارة شافت الضوء يجي ويروح في دار جارها
مشات تشوف واش كاين لقاتوا يقرا في كتاب وكي يقلب الصفحة يطفى الضوء
واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة
واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض
"
واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار
-ثلاث مجانين اتفقوا على الهروب فدبروا لقتل الحارس لكن وقت الهروب لم يجدو الحارس فقالوا آآآآآآآآآآآآآه ه ه ه ه ه ه
فشلت الخطة.
أشهر الكذابين
إلتقى اثنان اشتهرا بالكذب المبالغ فيه ,فقال الاول / هل ترى النملة الواقفة على قمة الجبل ؟
فرد الثاني /أيهما تقصد التي تغمض عينيها أم التي تفتحهما
