واحد مات وراح ع النار.. المفاجأة كانت إنو النار مقسمة لمناطق ودول متل العالم
أول شي سأل اللي حدو: شو هيدي؟؟
الثاني:هيدي جهنم الألمانية، هون بيحطوك ع كرسي الكهربا ساعة، وبعدين بينيموك ع المسامير ساعة تانية، بعدين بيجي ملك النار الألماني بيضل يجلدك لتاني يوم.
الأخ ما عجبتو الفكرة فراح ينتقل من نار للتانية ويشوف أنواع العذاب اللي بتشبه بعضها.
أخيراً وصل على جهنم فلسطين، وشاف العالم على بعضها.. لا في دور ولا يحزنون والعدد بالملايين.
شاف واحد سألو: شو هادي يا معلم
التاني: هادي نار فلسطين
الأول: وشو فيها مميزات؟
التاني: هون بيحطوك ع كرسي الكهربا ساعة و بعدين بينيموك ع المسامير ساعة تانية، بعدين بيجي ملك النار الفلسطيني بيضل يجلدك لتاني يوم
فقال الأول: ما نفس البقية بالضبط ، بس ليش كل هالزحمة!!؟؟؟
التاني: لأنو الكهربا مقطوعة، والمسامير عم تطعج لأنها شغل محلي أو صيني درجة تالتة ونصهم انسرقوا من لجنة المشتريات. أما بالنسبة للجلاد فكان بالزمانات موظف سلطة، لهيك إجا الصبح وقّع حضور وراح يشتغل ع تكسي بقية النهار!!!!!
