يزن
عدد المساهمات : 32373
تاريخ التسجيل : 23/09/2009
العمر : 35
 | موضوع: تعالو نبيع فلسطين  الثلاثاء فبراير 23, 2010 1:58 pm | |
| السلام عليكم و رحمة الله و بركاته
هيك بقولوا اللي بدهم يبيعوا فلسطين
ما بيعرفوا قيمتها!!
تعالو نبيع فلسطين ...
راح نزعل سنتين ...
بس راح نريح بالنا من مناظر التدمير ...
من مناظر التعذيب القتل و التفجير ...
كم أم ضاع ابنها من بين ايديها؟
كم شب ضاع عمره عشان التحرير؟
لو بعناها راح ترجع زي ما كانت فلسطين ...
ممكن يغيرو اسم فلسطين ...
بس شو بدنا بالاسم المهم تكون بسلام ...
بنصير نروحها سياحه ...
بتصير كلها صياعه و فياعه ...
ببطل عنا وطن نحارب عشانه ...
بنبطل نقعد بالساعات نصمم صور تقطع قلب الصخر ...
بتبطل دمعة طفل تنزل من الخوف ...
ممكن يقلعوا شجر الزتون ...
يزرعو شوك وزقوم ...
ممكن راح ننسى ريحة البرتقال و الليمون ...
بس راح يرجع الامن لفلسطين ...
ممكن الاقصى يهدموه ...
وراح ننسى آذانه والصلاه فيه ...
بس راح يرتاح من التعذيب اللي هو هسا فيه ...
تعالو نوقع على بيع فلسطين ...
اصلا شو بدنا نبيع ...
جثث ودم وبيوت مهدومه ..
سيوف وخيول من الانتظار تعبانه ...
خوف بقلوب ناس بريئه ...
صوت شهيد بينادي على رجال خايبه ...
على ضمائر مقتوله ...
على نخوه مش موجوده ...سجون بالمظلومين مليانه ...
رمال من دم الابرياء رويانه ...
اشعار بالدم مكتوبه ...
شو بدنا نبيع...؟
الألم ...
الخوف ...
الذل ...
القتلى ...
الاسرى ...
الشجر ...
الرمل ...
الصبر ...
بس احنا بنقول:
ولا الوطن اللي بعتوه من زمان ...
بعتوه لما سكتو على قتل شيوخ اطفال و نساء ...
سكتو لما انتزعوا وطنا ..
لما شردونا وعيشونا بملاجئ ...
لما بقينا ننادي وننادي و ماحدا سامع ...
لما بقينا نتعذب والكل خايف منا يقرب ...
انتو بعتوا فلسطين ...
هانت عليكم وبعتوها ...
بس احنا راح ندافع عليها لو كل العالم ضدنا ...
لو اجبرونا على بيعها ...
بنبيع روحنا وما بنبيعها ...
ماراح ابيع حبة رمل منها ...
فلسطين راح ترجع على ايدينا ...
فلسطين راح ترجع وروسنا راح تضل مرفوعه ...
فلسطين راح ترجع ...
والكل يسمع ..
فلسطين راح ترجع
والله لو بلف الدنيا كلها ما في مثل فلسطين
رغم وجعها شموخها عالي
وفينا ان شالله راح تكون
وكل فلسطينى يفتخر ... | |
|
najou
عدد المساهمات : 7594
تاريخ التسجيل : 29/10/2009
الموقع : كيف تحزن? من عنده رب يقدر و يغفر .يستر و يرزق.يرى ويسمع.وبيده مقاليد لامور
| | موضوع: رد: تعالو نبيع فلسطين الأربعاء فبراير 24, 2010 2:41 am | |
| فلسطين راح ترجع ...
والكل يسمع ..
فلسطين راح ترجع
ان شاء الله | |
|
ورد الربيع
عدد المساهمات : 1154
تاريخ التسجيل : 07/12/2009
العمر : 41
الموقع : الأردن
| | موضوع: رد: تعالو نبيع فلسطين الأربعاء فبراير 24, 2010 5:19 pm | |
| الله يسمع منك يا نجوى
والله على اليهود ومن والاهم......... | |
|
عاشقه لاخر العمر
عدد المساهمات : 6513
تاريخ التسجيل : 24/10/2009
| | موضوع: رد: تعالو نبيع فلسطين الأربعاء مارس 10, 2010 4:28 pm | |
| | |
|
