قولو رجـاءٍ مانبـي تأخـيـر
ردو ورانـا بــذوق وإجــاده
مع بعض ...كل عام وانت بخيـر
ياغـلا البشـر ياسيـدة الـسـاده
تكفى وسامحينـا علـى التقصيـر
والله يـزود بعـمـرك اعـيـاده
وانا اللـي احبـك محبـه غيـر
مـن قلبـي وفــودة افــواده
كل عام وانت بخير وانـا بخيـر
وكل عـام وانـا احبـك بزيـاده
وكل عـام وانـا اكافـح التغييـر
وكل عام ولا انتب علـى العـاده
وكل عام وانـا امـوت التفكيـر
واحـبــك بـإصــرار واراده
وكل عام ودموعي عليـك تحيـر
وهـذي السنـة بالـذات هـداده
وكل عام تكبري بـه تـرد صغيـر
كأنـك تسـوي لوجهـك اعـاده
ياكبدي الـي معـك كبـد بعيـر
مــرددن غـاربـه لـشــداده
وياحـب قلبـي لقلبـك الشريـر
الابيـض الـي عنـاده عـنـاده
سياسـة التوطـيـن والتهجـيـر
ماخـلـت الفقـيـر فـبــلاده
والله وكبرنـا والامـانـي بـيـر
مـصـداره يشـابـه المـيـراده
"واحد وعشرينك" عساها تصيـر
ميه علـى عـز وعلـى عبـاده
ياحبـي الاول ويــا الاخـيـر
اللـي قديـمـه ورث اجــداده
كل عام وانت بخير وانـا بخيـر
واشيـب وانـا احبـك زيــاده
