فراشة حبنا
عدد المساهمات : 11164 تاريخ التسجيل : 28/09/2009 العمر : 29 الموقع : قلب حبيبى
| موضوع: واحد جاب هديه لخطيبته واكل كف ......لييش؟ الأربعاء سبتمبر 30, 2009 10:04 pm | |
| google_protectAndRun("ads_core.google_render_ad", google_handleError, google_render_ad); هذه قصة فتاه انخطبت وبتروي لكم قصتها. أنا أنخطبت و قال لي خطيبي حأعطيكي هدية أنا خلاص . لاتسألو عني . وجهي سار طماطم . قلتلو : وش هي .؟؟؟ قال : هدية والهدية ما تنقال . ويوم راح : وأنا أفكر إش ممكن تكون هذي الهدية ؟؟؟؟ وأسأل بنات خالاتي . سارة : طبعا ورد أحمر تعبيرا للحب . ومريم : طقم ذهب. أختي نهى : والله ما أعرف بس ممكن ذهب زي مقالت مريم . وأنا اليوم كلو أفكر لا ذقت طعم النوم ولا شفتو بعيوني . وأقول من الصبح اش هي الهدية ؟؟؟؟ ما خليت أحد في البيت إلا ورجيتو . أمي تقولي : بس خلاص لا ترجينا والله و برب الكعبة إني ما أدري إش هذي الهدية . لا ترجينا خلاص. وأبوي : لاحول ولا قوة إلا بالله يابنت الناس خلاص ما أبغى أسمع صوتك رجيتنا من أمس و أنت تسألي نفس السؤال حفظتيني إياه إش ممكن تكون الهدية .. إش ممكن تكون الهدية خلاص خلي الواحد يهدى . وأنا أفكر وخيالي طار من عقلي .. الهدية حتكون أنو يفاجئني بتذاكر سفر عالى أوروبا . ولا تكون يورني قصر باني علشاني في أوروبا و يسفرني على شان يوريني إياه . أو ممكن بس قصر في جدة .................. وقاعدة أفكر و أفكر و أفكر و أفكر ................ المهم وصل وجاي يا خذني عالبحر و يعطيني الهدية ؟ وأنا مرة واقفة على أعصابي .. وقال لي أحزري إش هي ؟ وأنا أقولو : قول إش هي ..؟ وهو يقول : لا أحزري ؟؟ وأنا واقفة على أعصابي وأقول : ما أعرف أنت قول . وأقول في عقلي : ( واحد يفقع الكبد مو راضي يقولي ) .. وأنا أعصابي ماتت ...... فطلعلي علبة حلاوة صغيرة وقال هذي هي . وأنا لا إراديا من القهر أعطيتو كف . ( ليا يومين واقفة على أعصابي و أخر شيء يطلعلي علبة حلاوة صغيرة و يقول هدية حلوة وأحزري خلاني أفقد أعصابي ..............) المهم : قالي ليه هالكف إش سويت ... قلت وأنا ميتة من الكسفة: أسفة بس ..آه ..آه ..أنا .. أنا كنت أحسب الهدية حاجة أكثر من كذا ولا إن علبة حلاوة حلوة برضو ... فقال : إنتي ما فتحتي العلبة علشان تعرفي إيه هيا .. أنا : إش تقصد هذي إلحين مو حلاوة . فقال وهو يضحك : إنتي إفتحيها أول وشوفي إيه هي .؟؟؟ أنا أخذت العلبة منو وأنا راسي في رجولي من الكسفة . وفتحتهاولقيت داخلها علبة صغيرة حلوة . وأخذت العلبة الصغيرة و فتحتها ولقيت ...............؟؟ لقيت خااااااااااااااااااتم فضة مرصع بالألماس .. وبجانبو بطاقة على شكل قلب لونها أحمر مكتوب فيها i love you وأنا خلاص مت من القهر على نفسي على إلي سويتو قبل شوي و قاعدة أبكي و أبكي وأتأسفت منو وقاعد هو يهديني و يقول ما في شيء يبكي أنا لو كنت مكانك لسويت إلي سويتي أول ... وحتى الأن أنا مكسوفة و كل ما أفتكر هذا الموقف أقعد أبكي من الكسفة ............. من جد موقف محرج الله لايحط وحدة في مكانها تقبلوا تحياتي ......... | |
|
يزن
عدد المساهمات : 32373 تاريخ التسجيل : 23/09/2009 العمر : 35
| موضوع: رد: واحد جاب هديه لخطيبته واكل كف ......لييش؟ الأربعاء سبتمبر 30, 2009 10:40 pm | |
| | |
|
3bood89 Admin
عدد المساهمات : 1031 تاريخ التسجيل : 23/09/2009 العمر : 34 الموقع : http://www.3bood89.ahlamontada.com
| موضوع: رد: واحد جاب هديه لخطيبته واكل كف ......لييش؟ الخميس أكتوبر 01, 2009 5:32 am | |
| جد شي محرج بس بيني وبينك معها حق | |
|
فراشة حبنا
عدد المساهمات : 11164 تاريخ التسجيل : 28/09/2009 العمر : 29 الموقع : قلب حبيبى
| موضوع: رد: واحد جاب هديه لخطيبته واكل كف ......لييش؟ الخميس أكتوبر 01, 2009 2:17 pm | |
| | |
|
litlestar
عدد المساهمات : 1497 تاريخ التسجيل : 27/09/2009 العمر : 29
| موضوع: رد: واحد جاب هديه لخطيبته واكل كف ......لييش؟ الإثنين أكتوبر 05, 2009 8:47 am | |
| هههههههههههههههه حلوها هذي
يسلمو على الموضوع | |
|
فراشة حبنا
عدد المساهمات : 11164 تاريخ التسجيل : 28/09/2009 العمر : 29 الموقع : قلب حبيبى
| موضوع: رد: واحد جاب هديه لخطيبته واكل كف ......لييش؟ الأربعاء أكتوبر 07, 2009 2:59 am | |
| | |
|
fiara
عدد المساهمات : 5445 تاريخ التسجيل : 09/10/2010 العمر : 36 الموقع : بعيوني انا
| موضوع: رد: واحد جاب هديه لخطيبته واكل كف ......لييش؟ الثلاثاء ديسمبر 07, 2010 9:53 pm | |
| اه والله بكيت بتضحك و تبكي ؟؟؟ | |
|
الاماكن
عدد المساهمات : 8676 تاريخ التسجيل : 06/04/2010
| موضوع: رد: واحد جاب هديه لخطيبته واكل كف ......لييش؟ الثلاثاء ديسمبر 07, 2010 11:13 pm | |
| | |
|